Қ. Расулзода пахтакоронро қадрдонӣ намуд
Суғд, 21 октябр. (АМИТ «Ховар», Самад Юсуфӣ, Мирзалӣ Амонов).- Раиси вилояти Суғд, муовини аввали Раиси Маҷлиси миллии Маҷлиси Олии Ҷумҳурии Тоҷикистон Қоҳир Расулзода ба ноҳияи Бобоҷон Ғафуров сафари корӣ намуда, дар тантанаи зафари пахтакорони ноҳия ширкат варзид ва аз иншооти иҷтимоии ноҳия боздид кард. Тантанаи бошукӯҳи пахтакорон дар майдони ба номи Қаҳрамони Тоҷикистон Бобоҷон Ғафуров дар маркази ноҳия бо иштироки собиқадорони ҷангу меҳнат, деҳқонону пахтакорон, кормандони соҳаҳои маорифу тандурустӣ, зиёиёни ноҳия баргузор гардид. Раиси ноҳияи Бобоҷон Ғафуров Лутфулло Муҳиддинов маҷлиси тантанавиро ифтитоҳ намуда, аз дастгирии роҳбарияти Ҳукумати мамлакат ва мақомоти иҷроияи ҳокимияти давлатии вилоят ҷиҳати рушди кишоварзии ноҳия сухан гуфта, таъкид намуд, ки бо дастгирии давлат деҳқонони ноҳия тавонистанд нақшаи меҳнатиро сарбаландона иҷро намоянд.
Дар вазъияти тантанавӣ Қоҳир Расулзода ба пешқадамони маъракаи ҳосилғундорӣ тӯҳфаҳои боарзиш тақдим намуда, ҳамчунин ба сардори идораи маорифи ноҳия 10 адад компютер ва 2 адад принтер тӯҳфа кард.
Кормандони маорифи ноҳия ҳамасола аз ин маъракаи муҳими сиёсӣ дар канор намонда, баҳри беталаф ҷамъоварӣ гардидани «тиллои сафед» саҳми аразанда мегузоранд. Имсол низ ин иқдоми онон идома ёфта, 2300 тонна «дурри гаронбаҳо» ҷамъоварӣ намуданд. Ва раиси вилоят ин ёрмандии маорифчиёнро қадрдонӣ намуда ба шӯъбаи маорифи ноҳия микроавтобуси тамғаи «Газел» тӯҳфа намуд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






