Ҳамкории ҶТ ва ҶИА
Душанбе, 18 октябр. (АМИТ «Ховар», Лутфия Эшонқулова). – Дирӯз ҳайати Ҷумҳурии Исломии Афғонистон бо роҳбари муовини вазири корҳои дохилии ҶИА генерал — полковник Бозмуҳаммад Аҳмадӣ ба шаҳри Хоруғ омад.Дар ин бора ба АМИТ «Ховар» дар маркази матбуоти Агентии назорати маводи нашъаовари назди Президенти ҶТ хабар доданд.Мувофиқи суханони манбаъ, мақсад аз ин ташриф таҳким бахшидани ҳамкории ҳар ду идора дар мубориза бо гардиши ғайриқонунии маводи нашъаовар, ҷилавгирии қочоқи маводи мухаддир ва роҳ надодан ба нашъамандӣ, ҳамчунин таълими кормандони мақомоти ҳифзи ҳуқуқи ҶИА мебошад, зеро яке аз самтҳои асосии фаъолияти муштараки Агентии назорати маводи нашъаовари Ҷумҳурии Тоҷикистон ва Вазорати корҳои дохилии Афғонистон иборат аз таълими кормандони пулиси бахши маводи нашъаовари Афғонистон дар донишкадаҳои махсуси кишвар маҳсуб мешавад.Тавре дар маркази матбуот иттилоъ доданд, имрӯз, 18 октябр, дар шаҳри Хоруғ мулоқоти раиси вилоят Қодири Қосим ва намояндагони сохторҳои қудратии вилояти ВМКБ бо муовини вазири корҳои дохилии Ҷумҳурии Исломии Афғонистон Аҳмадӣ баргузор шуда, дар он директори Агентии назорати маводи нашъаовар афсарони бахши мухобираи агентӣ, ҳамчунин намояндагони пулиси Афғонистон ва Созмони Милали Муттаҳид иштирок менамоянд. Бозмуҳаммад Аҳмадӣ дар ҷараёни сафараш 19 ва 20 октябр дар шаҳри Душанбе бояд бо роҳбарони мақомоти ҳифзи ҳуқуқ ва сохторҳои қудратии Ҷумҳурии Тоҷикистон якчанд мулоқот анҷом диҳад.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






