Ҳосили пахта дар шаҳри Ваҳдат

Душанбе, 22 октябр. (АМИТ «Ховар»,  Зебо Давлатова ). – Яке  аз  омилҳои  асосии  пешбурдb зиндагии  хоҷагидорони  шаҳри  Ваҳдат   пахтакорӣ  мебошад.  Кишоварзон имсол  дар майдони  2015  гектар  чигит  кориданд. Зимни  сӯҳбат  сариқтисодчии  раёсати  кишоварзии  шаҳри Ваҳдат Ҳабибулло  Ибодуллоев  ба  хабарнигори  АМИТ «Ховар» иттилоъ дод, ки  кишоварзони  ноҳия  аз  майдони  2015  гектар   то  имрӯз  374  тонна  пахта  ғундоштаанд, ки ин   нисбат ба   ҳамин  давраи  соли   гузашта  215 тонна  зиёд  буда,  86,9  фоизи  нақшаро  ташкил  медиҳад. Ӯ афзуд, ки  дар хоҷагиҳои  деҳқонии  Хиргатарош,  ҶДММ «Файзи Ваҳдат»,  кооперативи  истеҳсолии  ба номи А.Кенҷаев ва  кооперативи  истеҳсолии  ба  номи  Ленин  пахтачинӣ  босуръат давом  дорад.