Ҷалби сармоягузорони турк ба Тоҷикистон

Анкара, 27 октябр. (АМИТ «Ховар», Фарангис Раҳимова). Дирӯз дар сафорати Тоҷикистон дар Туркия мулоқоти Сафири Фавқулодда ва Мухтори Ҷумҳурии Тоҷикистон дар Ҷумҳурии Туркия Фаррух Шарипов бо роҳбарияти ширкати бонуфузтарини Туркия дар соҳаи коркарди маъдан ва сангҳои қимматбаҳо ހ «Mineks ınternatıonal»ހ баргузор гардид. Дар рафти мулоқот сафир оид ба лоиҳаҳои сармоягузорӣ, фазои сармоягузорӣ, қонунгузории Ҷумҳурии Тоҷикистон ҷиҳати сармоягузорӣ маълумот дода, ширкати мазкурро барои иштирок дар татбиқи  ин лоиҳаҳо ва ташкил додани ширкатҳои муштараки тоҷикию туркӣ даъват кард. Аз ҷумла. зимни мулоқот тарафҳо соҳаи коркарди сангҳои қимматбаҳо, сохтмон ва истеҳсоли онро  муҳокима карданд. Дар навбати худ намояндаи  «Mineks ınternatıonal»ހ ба лоиҳаҳои сармоягузорӣ таваҷҷӯҳи хоса зоҳир намуда қайд кард, ки рӯзҳои наздик барои омӯхтан, баҳо додани фазои сармоягузорӣ ва гузаронидани якчанд мулоқот, аз ҷумла бо намояндагони Вазорати энергетика ва саноати Ҷумҳурии Тоҷикистон ба Тоҷикистон сафар хоҳад кард.