Ҷашнвораи байналмилалии ҳунармандони эстрадаи кишварҳои ИДМ

Душанбе, 20 октябр. (АМИТ «Ховар», Раъно Нусратуллоева).- Бо ташаббуси Вазорати фарҳанги Ҷумҳурии Тоҷикистон ва дастгирии Фонди байналмилалии ҳамкориҳои башардӯстона  27 октябри соли равон  дар маҷмааи давлатии «Кохи Борбад» ҷашнвораи  байналмилалии ҳунармандони эстрадаи кишварҳои узви Иттиҳоди Давлатҳои Мустақил таҳти унвони “Небо Содружества” доир мегардад. Дар ҷашнвора  Нозияи Кароматулло, Меҳрнигори Рустам ва Зикриоллоҳ Ҳакимов аз  Тоҷикистон, Юлия Савичева, Сергей Лазарев, Максим аз Федератсияи Русия, Жанета Бобкова аз Қирғизистон, гурўҳи «Роҳат Лукум» аз Қазоқистон, Алена Ланская аз Беларус, Сейран Исмаилхонов аз Озарбойҷон ва Айк Каспаров аз  Арманистон иштирок менамоянд.Дар ин бора аз маркази матбуоти Вазорати фарҳанги ҶТ иттилоъ доданд.