Ҷопон дар Балҷувон мактаб месозад

Октябрь 13, 2011 15:30

Душанбе, 13 октябр. (АМИТ «Ховар», Дилшодаи Хайруллоҳ). -12 октябри соли 2011  Ҳиройуки Имаҳаши, Сафири Сафорати Ҷопон дар Ҷумҳурии Тоҷикистон ва  Фотеҳ Аминов, раиси ноҳияи Балҷувон созишномаи грантиро роҷеъ ба «Лоиҳаи азнавсозии мактаби миёнаи №10 дар деҳаи «Сари Мазор»-и ноҳияи Балҷувон» ба имзо расониданд. Ҳукумати Ҷопон барои амалӣ гаштани лоиҳаи мазкур дар чаҳорчӯбаи кӯмакҳои бебозгашти лоиҳаҳои амнияти башарӣ барои қисми зиёди  аҳолӣ 111 ҳазору 726 доллари ИМА ҷудо менамояд.Мактаби №10 деҳаи Сари Мазори ноҳияи Балҷувон  соли 1986 бунёд шудааст. Аз сабаби фарсудагии бино ва сохтмони номувофиқ аз шифти он об мечакад ва дар фарши он тарқишҳо пайдо шудаанд. Инчунин шумораи толибилмон бо миқдори синфхонаҳо мувофиқ нест. Толибилмони синфҳои даҳ ва ёздаҳи ин деҳа маҷбуранд дар деҳаҳои ҳамсоя таҳсил намоянд.Дар чаҳорчӯбаи лоиҳаи мазкур бинои нави мактаб иборат аз шаш синфхона ва ду хона барои  кормандони мактаб сохта мешавад. Инчунин мактаб бо таҷҳизоти зарурӣ, ба монанди мизу курсӣ ва тахтаи синфӣ таъмин мешавад.  Кӯмакҳои бебозгашти лоиҳаҳои амнияти башарӣ барои қисми зиёди аҳолӣ ба ҳокимиятҳои маҳаллӣ, соҳаҳои маорифу тандурустӣ ва ташкилотҳои байналмиллалии ғайридавлатии мамлакатҳои рӯ ба тараққӣ расонида мешаванд. Ҳукумати Ҷопон аз соли 1996 инҷониб   273 лоиҳаи кӯмаки башариро бо маблағи умумии $20 миллион доллари ИМА дар Тоҷикистон амалӣ намудааст.

Октябрь 13, 2011 15:30

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд