300 идрорпулӣ барои хонандагони беҳтарин

Душанбе, 19  октябр. (АМИТ «Ховар», Людмила  Дубинина). – 300  нафар  хонандагони  макотиби  таҳсилоти  умумӣ,  литсейҳо,  гимназияҳо,  омӯзишгоҳҳои  касби  техникӣ,  техникумҳо  ва  коллеҷҳо, ки  аз рӯи  натиҷаи  соли  гузаштаи таҳсил  баҳои  аъло дошта ва  дар  кори  ҷамъиятӣ  фаъолона  иштирок  намудаанд,  муддаиёни  идрорпулии Президенти Ҷумҳурии  Тоҷикистон  гардидаанд. Мукофотро  Кумитаи  кор бо  ҷавонони   назди  Ҳукумати  Тоҷикистон  барои  соли таҳсили 2011 – 2012  таъсис  додааст.Мувофиқи  Низомномаи   идрорпулии  Президенти  ҶТ  барои  хонандагон  ин  маблағ  дар асоси  озмун  аз ҷониби  Кумитаи  кор  бо  ҷавонон  супурида  мешавад.Имсол  300 нафар хонандагони  беҳтарини  донишадаҳои  зикршуда  аз  ҳамаи  минтақаҳои  ҷумҳурӣ,  шаҳру  ноҳияҳои тобеи  ҷумҳурӣ  ва  шаҳри  Душанбе  мукофот  мегиранд.  Пардохти  идрорпулӣ  ҳар  моҳ  дар  бахшҳои  сохтории  Кумитаи  кор  бо  ҷавонон  сурат  мегирад.Дар  ин  бора ба  АМИТ «Ховар»   дар Кумитаи  кор  бо  ҷавонони  назди  Ҳукумати  Ҷумҳурии  Тоҷикистон  иттилоъ  доданд.