Афзоиши ҷалби маблағҳо ба буҷа

 Душанбе, 20 октябр. (АМИТ «Ховар», Бекназари Абӯбакр). — Дар давоми нӯҳ моҳи соли 2011 аз ҳисоби хусусигардонӣ ва истифодаи самараноки моликияти давлатӣ ба буҷаи ҷумҳуриявӣ 18,3 млн. сомонӣ  ворид гардидааст.Аз Кумитаи давлатии сармоягузорӣ ва идораи амволи давлатии ҶТ ба мухбири АМИТ «Ховар» иттилоъ доданд, ки мувофиқи маълумоти расмӣ тайи 9 моҳи соли 2011 дар миқёси ҷумҳурӣ 196 236 адад субъектҳои соҳибкорӣ ба қайд гирифта шудаанд, ки нисбат ба ҳамин давраи соли гузашта 27,4% зиёд аст. Танҳо аз ҳисоби соҳибкорони инфиродӣ ва хоҷагиҳои деҳқонӣ ба буҷаи ҷумҳурӣ 138,8 млн. сомонӣ ворид гардид.