Баъди як соат ронандаи автомашина дастгир шуд

Душанбе, 20 октябр. (АМИТ «Ховар», Мавҷуда Анварӣ). — 19 октябри соли ҷорӣ ронандаи автомашинаи тамғаи «Мерседес Бенс», ки онро Давронов Илҳомҷон Абдураҳмоновичи 35- сола идора мекард, ҳангоми ҳаракат ба самти кӯчаи Борбад аз ӯҳдаи идораи воситаи нақлиёт набаромада, пиёдагард Саидшоев Хушвахтшоҳи 38 сола- муовини қумондони  кор бо ҳайати шахсии Гвардияи Миллии Ҷумҳурии Тоҷикистонро пахш намуда, аз ҷойи ҳодиса ғайб мезанад. Тавре ки аз ВКД ҶТ ба АМИТ «Ховар» хабар доданд,  пиёдагард Саидшоев Х бар асари  ҷароҳати вазнини ҷисмонӣ, ҳангоми интиқоли ӯ ба беморхона    ба ҳалокат мерасад.  Кормандони мақомоти ҳифзи ҳуқуқ баъди як соат  ронандаи автомашинаи мазкурро  дастгир намуданд.