Барқияи шодбошии Э.Раҳмон ба Кристиан Вулф

Душанбе, 4 октябр. (АМИТ «Ховар»). – Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Федеративии Олмон ҷаноби Кристиан Вулф барқияи шодбошӣ ирсол намуд, ки дар он аз ҷумла чунин омадааст:Мӯҳтарам Аълоҳазрат, Барои ман боиси ифтихор аст, ки  Шумо ва тамоми мардуми Олмонро ба муносибати солгарди иди милии кишвари Шумо табрик намоям. Дар ин рӯзҳои пурнишот мехостам, ки ҳавасмандиамонро ба рушди рӯзафзуни ҳамкории бисёрҷонибаи байни ҳар ду кишвар бори дигар иброз дорам.Боварӣ дорам, ки мо бо ҷидду ҷаҳди муштарак метавонем ба ҳамкории миёни Тоҷикистону Олмон бо василаи вусъат додани соҳаҳои он суръати тоза бахшем. Ин воқеаи фараҳбахш ба ман имкон медиҳад, ки ба Шумо, мӯҳтарам ҷаноби Президент, тансиҳатӣ, саодату  комёбиҳо ва ба халқи дӯсти Олмон – сулҳу беҳбудиро таманно намоям. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.