Баррасии масоили ҳифзи ҳуқуқи инсон ва шаҳрванд

Душанбе, 14 октябр. (АМИТ «Ховар», Лутфия Эшонқулова).- Имрӯз дар Донишгоҳи миллӣ бо ташаббуси Суди конститутсионии Ҷумҳурии Тоҷикистон ифтитоҳи нахустин семинари байналмилалии авруосиёгӣ дар мавзӯи «Ҳифзи ҳуқуқи инсон ва шаҳрванд, репрессия ва таълимоти ҳуқуқи римӣ» баргузор гардид.Дар кори семинар намояндагони Аргентина, Гурҷистон, Итолиё, Маҷористон, Македония, Муғулистон, Қазоқистон, Қирғизистон, Федератсияи Русия, Руминия, Сербия, Туркия, Чин, Юнон ва намояндагони созмонҳои бонуфузи байналмилалӣ, инчунин аъзои Ҳукумати Ҷумҳурии Тоҷикистон, мушовирони давлатӣ ва дигар кормандони масъул иштирок намуданд.Дар рафти семинари мазкур мавзӯъҳо оид ба механизми ҳифзи ҳуқуқи инсон ва шаҳрванд ва таъсири ҳуқуқи  римӣ ба низоми ҳуқуқии ҷаҳон мавриди баррасӣ ва муҳокимаи мутахассисону олимони ватанию хориҷии соҳаи ҳуқуқ  ва амалия қарор гирифтанд. Чорабинӣ дар доираи ҳамкориҳои байналмилалии Суди конститутсионии Ҷумҳурии Тоҷикистон дар якҷоягӣ бо Донишгоҳи миллӣ ва Ваколатдор оид ба ҳуқуқи инсон дар Ҷумҳурии Тоҷикистон ва дастгирии Шӯрои миллӣ оид ба татқиқоти илмии музофоти римӣ доир гардид.Семинар пагоҳ, 15 октябр кори худро дар меҳмонхонаи «Тоҷикистон» идома медиҳад.