Беш аз сад ҳазор ҷойи нави кор

Октябрь 7, 2011 16:27

Душанбе, 7 октябр.(АМИТ «Ховар», Марзия Саидова).-Беш аз сад ҳазор ҷойи нави корӣ дар зарфи 9 моҳи соли равон дар миқёси ҷумҳурӣ дар доираи татбиқи Барномаи мусоидат ба шуғли аҳолии Ҷумҳурии Тоҷикистон таъсис дода шудааст, ки он 94,7%-и нақшаи пешгӯии барномаро ташкил медиҳад. Аз ҷумла дар Вилояти Мухтори Кӯҳистони Бадахшон 7712 ҷойи нави кор, Хатлон 40431, Суғд 31812, шаҳри Душанбе 16500 ва ноҳияҳои тобеи ҷумҳурӣ 18273 ҷойҳои нави корӣ таъсис дода шудааст. Тибқи иттилои Агентии давлатии ҳифзи иҷтимоӣ, шуғли аҳолӣ ва муҳоҷирати Вазорати меҳнат ва ҳифзи иҷтимоии аҳолии ҷумҳурӣ ҷойҳои нави корӣ дар соҳаи сохтмон — 20189, саноат — 6930, кишоварзӣ 31179, нақлиёт ва алоқа — 2395, савдо, хӯроки умумӣ, таъминоти моддию техникӣ -32347, соҳаҳо ғайриистеҳсолӣ 5353, ва дигар соҳаҳо 16335 нафарро ташкил медиҳанд. Таҳлили раванди таъсиси ҷойҳои корӣ вобаста ба соҳаҳои иқтисодиёт нишон медиҳад, ки теъдоди аксари ҷойҳои корӣ ба соҳаи кишоварзӣ (27,2%) ва савдо, хӯроки умумию таъминоти техникӣ (28,2%) рост меояд. Беш аз 50 фоизи ҷойҳои кории навтаъсис ба сектори хусусӣ тааллуқ дорад, ки он аз рушди соҳибкории хурду миёна дар кишвар шаҳодат медиҳад. Дар асоси барномаи мазкур бояд то охири сол дар ҷумҳурӣ беш аз 120 ҳазор ҷойҳои нави корӣ ташкил карда шавад.

Октябрь 7, 2011 16:27

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд