Биноҳо бояд зебою мустаҳкам сохта шаванд

Хоруғ, 22 октябр. (АМИТ «Ховар»,  Л.Додо). – Чанд  соли охир  дар ВМКБ  бунёдкориҳои  зиёде  ба  назар  мерасанд. Ба  гуфти  муовини  раиси  вилоят Азиз Гиёев,  дар  9  моҳи  соли  ҷорӣ  пешравиҳои  корҳои  сохтмонӣ назаррас  бошанд  ҳам,  вале  дар  ин  самт  фаъолияти  мақомоту ташкилотҳо  камбудию  норасогиҳои  зиёде  дорад.  Аксарияти иншоотҳо  бо  сифати  паст  ва  бе  ҳуҷҷатҳои  лозимӣ  сохта мешаванд. Чунончи,  бинои  мактаби  рақами 2 деҳаи  Шоди  ноҳияи Роштқалъа,  мактабҳои  деҳаҳои  Барсеми  ноҳияи  Шуғнон, Лагад, Роғ ва Удоби  ноҳияи  Ванҷ  бе  хулосаи  ташхисӣ  сохта шуда,  сохтмони  Қасри  фарҳанги  навоҳии Рӯшону Ванҷ  бе ташхиси давлатӣ идома  дорад.