Бо оташ бозӣ накунед !
Душанбе, 14 октябр. (АМИТ «Ховар» Фарҳоди Шомаҳмад ). — Тавре аз Раёсати Хадамоти давлатии оташнишонии Вазорати корҳои дохилии Ҷумҳурии Тоҷикистон ба хабарнигори «АМИТ» Ховар иттилоъ доданд, ҳафтаи сипаришуда дар қаламрави ҷумҳурй 20 ҳодисаи сӯхтор бо хисороти умумии 29 ҳазору 3 сомонй ба қайд гирифта шудааст. Ба гуфти муовини аввали сардори сарраёсати Хадамоти давлатии оташнишонии Вазорати корҳои дохилии Ҷумҳурии Тоҷикистон Қудфиддин Салоҳиддинов аз аввали сол то имрӯз дар кишвар 886 ҳодисаи сӯхтор ба қайд гирифта шудааст, ки чунин нишондод нисбат ба ҳамин давраи соли гузашта 5 адад зиёд мебошад. Ба иттилои Қ. Салоҳиддинов бар асари ин сӯхторҳо 20 нафар ба ҳалокат расидаанд, ки аз онҳо 9 нафарашон ноболиғ мебошанд. Масъулин сар задани сӯхторҳоро дар манзилҳои истиқоматӣ пеш аз ҳама дар оташбозии кӯдакон, муносибати беэҳтиётона бо оташ, вайрон кардани қоидаҳои бехатарй аз сӯхтор ҳангоми истифодаи асбобҳои гармидиҳандаи барқй ва газӣ, расиши кӯтоҳи ноқилҳои барқй мебинанд. Қутфиддин Салоҳиддинов гуфт, ки онҳо дар доираи корҳои омодагӣ ба мавсими зимистон тибқи супориши роҳбарияти Вазорати корҳои дохилии Ҷумҳурии Тоҷикистон доир ба таҳкими бехатарй аз сӯхтор дар иншооти махсусан муҳими ҷумҳурй санҷиш гузаронида истодаанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






