Боз боди афғонӣ

Октябрь 5, 2011 12:41

Душанбе, 5 октябр.(АМИТ «Ховар», Марзия Саидова). — Бо ворид шудани ҳавои сард ва шиддатёбии шамол аз қисмати ғарб ва ҷануби ҷумҳурӣ ҳарорати ҳаво дар кишварамон 5 октябр 6-8 дараҷа паст фаромада, фазои ҷумҳуриро якбора ҳавои ғуборолуди ғафс фаро гирифт. Ҳавои ғуборолуд аз биёбонҳои Осиёи Марказӣ ва Афғонистону Ироқ бархостааст, ки то се рӯз идома меёбад. Чунин ҳавои ғуборолуд  дар байни мардум ҳамчун «боди афғонӣ» маъмул аст.Тавре Парвина Саидҷамолова,  мудири шӯъбаи пешгӯии боду ҳавои муассисаи давлатии обу ҳавошиносии ҷумҳурӣ,  ба хабарнигори АМИТ «Ховар» иттилоъ дод, имрӯз ҳаво дар ҷумҳурӣ ғуборолуд боқӣ монда, ҳарорати ҳаво шабона дар қисмати ҷанубии кишвар -вилояти Хатлон 10-12  ва рӯзона 22-27  дараҷа гарм, дар вилояти Суғд шабона 6-11 ва рӯзона 12 -24 дараҷа гарм, дар ноҳияҳои тобеи марказ бошад шабона 5-10 рӯзона 19-24 дараҷа гарм,  дар ғарби Вилояти Мухтори Кӯҳистони Бадахшон  шабона 4-9 рӯзона 17-22 дараҷа гарм, дар Шарқи Бадахшон бошад  шабона 1-6 дараҷа сард рӯзона  4-9 дараҷа гарм мешавад. Ҳарорати ҳаво дар Душанбе шабона 7-9  ва рӯзона 22-24 дараҷа гарм мешавад.Мутахассисони бахши кишоварзӣ ва тандурустӣ бар он назаранд, ки чунин ҳавои ғуборолуд ба нашъунамою сабзиши растаниҳо, ки такроран кишт гардидаанд ва саломатии инсонҳо, хусусан шахсоне, ки мубталои бемориҳои диққи нафас, фишори хун ва қалб мебошанд,  таъсири манфӣ мерасонад. 

Октябрь 5, 2011 12:41

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд