Бозгашти намояндагони Тоҷикистон аз Амрико
Душанбе, 11 октябр.(АМИТ «Ховар», Марзия Саидова).-Гурӯҳе аз намояндагони бахши варзиш ва созмонҳои ҷамъиятии Тоҷикистон аз Иёлоти Муттаҳидаи Амрико баргаштанд. Онҳо муддати 10-рӯз- аз 29 сентябр то 10 октябр аз шаҳрҳои Грин Бей, Кливленд ва Гранд Айленди иёлоти Висконсин, Огайо ва Небраска боздид намуда, бо ҳаёт ва фаъолияти ҳамтоёни амрикоии худ аз наздик шинос гардиданд.Сафари ҳайати намояндагони Тоҷикистон ба Амрико дар доираи барномаи «Ҷаҳони боз» сурат гирифт. Барномаи мазкур бо иқдоми ду нафар донишманди шинохта ва арбоби ҷамъиятию сиёсии Русия ва Амрико- академикҳо Дмитрий Лихачев ва директори китобхонаи Конгресси ИМА Ҷеймс Биллингтон таъсис дода шудааст. Анора Акбарова, ҳамоҳангсози барномаи «Ҷаҳони боз» дар Тоҷикистон зимни сӯҳбат ба хабарнигори АМИТ «Ховар» гуфт, ки танҳо дар зарфи чор соли охир, яъне аз соли 2007 инҷониб аз Тоҷикистон наздики 200 нафар кормандону намояндагони бахшҳои мухталиф ва мақомоти давлатии Тоҷикистон аз Амрико боздид намудаанд. Ҳайати намояндагони Тоҷикистон зимни бозгашт аз Амрико таасуроти худро дар нишасти матбуотӣ ба хабарнигорон ироа намуданд. Фурқат Урунов, Салимҷон Аҳмедов намоядагони бахши варзиши ҷумҳурӣ ва Муҳайё Орифова, Асадбек Шукурбеков, Рухшона Шаҳобиддинова, Гавҳар Хоҷаева, ки роҳбарону намояндагони созмонҳои ҷамъиятӣ ҳастанд ва аз Амрико боздид намуданд сафарашонро ба ин кишвар хеле шавқовар ва манфиатбахш арзёбӣ карданд. Онҳо зикр намуданд, ки зимни сафарашон ба Амрико на танҳо бо дастовардҳои ин кишвар аз наздик ошно гардиданд, балки анъанаҳои фарҳангию миллии тоҷиконро ба амрикоиҳо муаррифӣ намуданд. Иштирокдорони барнома зикр намуданд, ки баъзе афзалиятҳо ва дастовардҳои пешрафтаи ҷомеаи Амрикоро дар Тоҷикистон мавриди истифода қарор додан аз манфиат холӣ нест. Мавриди зикр аст, ки барномаи «Ҷаҳони боз» ягона барномаи мубодилавӣ дар дохили шохаи қонунгузории ҳокимияти Амрико буда, ҳамасола аз сӯи Конгресси ИМА маблағгузорӣ мегардад.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






