Бозии ҳассос барои мунтахаби Русия

Душанбе, 7 октябр. ( АМИТ «Ховар», Аловиддин Бӯриев).- Имрӯз дар доираи бозиҳои интихобии ҷоми Аврупо доир ба футбол тими мунтахаби Русия бо Словакия қувва меозмояд. Тавре ки сармураббии дастаи Русия Дик Адвокат иттилоъ додааст, ҳамаи бозингарон ба ин бозӣ омодаанд ва барои онҳо ин вохӯрӣ санҷиши асосӣ ба ҳисоб меравад. Дар сурати ғалаба дар ин бозӣ русҳо имкон доранд дар ҷамъбасти бозиҳои гурӯҳӣ соҳиби ҷойи аввал гарданд, зеро вохӯрии охиринашон танҳо бо тими мунтахаби Андорра боқӣ мемонад. Дар гурӯҳи «Б» ғайр аз тими мунтахаби миллии рус боз дастаҳои Ирландия, Словакия ва Арманистон ҳам имкони ба даст овардани роҳхатро ханӯз аз даст надодаанд.