Чанд нафарсоҳиби кор гардиданд?

Душанбе, 28 октябр.(АМИТ «Ховар», Марзия Саидова).-Дар ярмаркаи  соҳавии ҷойҳои корӣ, ки 28 октбяр дар пойтахт баргузор гардид, 82  нафар шаҳрванд соҳиби ҷои кор гардида, 4 нафар барои омӯзиши касбҳо роҳхат гирифтанд.Ярмарка бо ибтикори Вазорати меҳнат ва ҳифзи иҷтимоии аҳолии ҷумҳурӣ ва дар ҳамкорӣ бо вазорати нақлиёти ҷумҳурӣ бо мақсади бо ҷойи кор таъмин сохтани шаҳрвандон ва паст кардани сатҳи бекорӣ гузаронида шуд.Дар он раёсатҳои Агентии давлатии ҳифзи иҷтимоӣ, шуғли аҳолӣ  ва муҳоҷират дар ноҳияҳои пойтахт, навоҳии тобеи ҷумҳурӣ ва шаҳри Норак иштирок намуда, ҷойҳои кориро ба шаҳрвандон пешниҳод сохтанд.Дар ярмарка 37 корхонаю муассисаҳои шаҳри Душанбе ба корҷӯён  беш аз 2000 ҷойи кории холиро тавсия  намуданд.  Дар соли равон дар миқёси ҷумҳурӣ 13 ярмаркаи соҳавии ҷойҳои кории холӣ ташкил карда шудааст.