Дар минтақаи Осиё ва Уқёнуси Ором 7 миллиардумин тифл таваллуд хоҳад шуд

Душанбе, 13 октябр. (АМИТ «Ховар», Пайрав  Назаров ). – Кишварҳои  Осиё  ва Уқёнуси  Ором  дигаргуниҳои  ҷиддии  демократиро  аз  сар  мегузаронанд. Истисно  нест, ки  7 миллиардумин  тифл  маҳз дар  ҳамин  минтақа   таваллуд  хоҳад  шуд.  Ҳоло 61  фоизи  ҳамаи  аҳолии  ҷаҳон  маҳз дар ҳамин   минтақа  зиндагӣ  мекунанд.Котиби  иҷроияи  Комиссияи  иқтисодию  иҷтимоӣ  барои  Осиё ва  Уқёнуси  Ором  Ноэлин Ҳейзер  зимни  пешниҳоди  арқоми  оморӣ  оид ба  минтақа  дар  ин  бора  изҳорот  дод. Котиби  иҷроияи  Комиссияи  иқтисодию  иҷтимоӣ  барои  Осиё  ва  Уқёнуси  Ором   дастовардҳоро  дар  амри   рафъи қашшоқӣ,  ҳамчунин  коҳиш  додани  фавти  модару  кӯдак  аз  ҷумлаи  тамоюлҳои  мусбати  ин  минтақа  маънидод  кард.