Дар ноҳияи Мурғоб шӯъбаи АНМН кушода шуд

Душанбе, 18  октябр. (АМИТ «Ховар»,  Лутфия  Эшонқулова). – 17  октябр  директори  Агентии  назорати  маводи  нашъаовар  Рустам  Назаров ба  ВМКБ  сафар кард. Бино  ба  хабари  маркази  матбуоти  идораи  назорати  маводи  нашъаовари  мамлакат,  Рустам  Назаров   дар  ҷараёни   сафараш   дар  маросими  ботантанаи   ифтитоҳи  шӯъбаи  Раёсати  Агентии  назорати  маводи  нашъаовари  назди  Президенти  ҶТ  дар  ноҳияи  Мурғоби  Вилояти  Мухтори  Кӯҳистони  Бадахшон  иштирок  намуд. Дар  ин  маросим  намояндагони Раёсати СММ оид ба  маводи  нашъаовар  ва  ҷинояткорӣ  дар  ҶТ ва  раиси  Ҳукумати   ноҳияи  Мурғоб  иштирок  доштанд. Мувофиқи  суханони  манбаъ,  сафари  роҳбари  Агентии   назорати  маводи  нашъаовар  то 19  октябр  давом  мекунад.