Дар Тоҷикистон корхонаи истеҳсоли трактор месозанд ?

Душанбе, 26 октябр. (АМИТ «Ховар», Дилшодаи  Хайруллоҳ). —  Бо ташаббуси Вазорати кишоварзии Ҷумҳурии Тоҷикистон ҳамкориҳо миёни ин Вазорат ва заводи трактори шаҳри  Бобруйски Ҷумҳурии Беларус бо мақсади ривоҷу равнақ бахшидан ба соҳаи кишоварзӣ, аз ҷумла боғу токпарварӣ дар мамлакат густариш меёбанд.Дирӯз  дар Вазорати кишоварзӣ вохўрии сардори Раёсати сиёсати техникӣ ва инфрасохтори кишоварзӣ Қ. Расулов  бо директори заводи трактори шаҳри Бобруйски Ҷумҳурии Беларус Александр Агранович Григоревич баргузор гардид.Мақсади вохўрӣ аз сохтани корхонаи муштараки  тракторҳои тамғаи “Беларус-321”, “Беларус — 422” ва “Беларус — 622” дар Ҷумҳурии Тоҷикистон иборат буд. Тракторҳои тамғаҳои номбурда аз назари сарфаи сўзишворӣ камхарҷ буда, ба пешравии соҳаи кишоварзӣ манфиатбахш мебошанд.