Дастаи мунтахаби футболи Тоҷикистон 6 зина поён фаромад.

Душанбе, 20 октябр. (АМИТ «Ховар», Аловиддин Бӯриев). – Дастаи мунтахаби Тоҷикистон   дар тозатарин радабандии федератсияи футболи ҷаҳон, мавсуф ба FIFA  6 зина поён рафт. Моҳи сентябр футболбозони мо аз мақоми 153-ум ба зинаи  124 рейтинги ҷаҳонӣ баромаданд, яъне 29 зина боло рафта буданд. Баъди шикаст дар бозиҳои охирини интихобии ҷоми ҷаҳон дасти мунтахаби Тоҷикистон дар рейтинги навбатии моҳи октябр 6 зина поён рафта, дар зинаи 130 қарор дорад. Байни давлатҳои Осиё дастаи мунтахаби Ҷопон дар ҷои аввал буда,  Тоҷикистон дар мақоми 18-ум аст. Дар садри ҷадвали рейтинги ҷаҳонӣ  дастаи мунтахаби Испаниё бо 1624 имтиёз қарор дорад. Аз кишварҳои Иттиҳоди Давлатҳои Мустақил дастаи мунтахаби Русия пешсаф будава дар мақоми 13 – ум ҷой гирифтааст.