Даври 33-юми чемпионати мамлакат.

 Душанбе, 14 октябр. (АМИТ «Ховар», Аловиддин Бӯриев). —  Бозиҳои  даври 33-юми чемпионати мамлакат оид ба футбол байни дастаҳои лигаи олӣ дирӯз бо баргузории се вохӯрӣ оғоз шуд. «Энергетик» дар майдони худ бо «Хайр» қувва озмуда бо натиҷаи 2 ба1 пирӯзӣ ба даст овард. Акнун ин даста фарқияти холҳояшро бо «Хайр», ки дар зинаи 4-ум қарор дорад, ба се имтиёз расонид ва 45 хол дорад. «Регар ТадАЗ» бо ССКА «Помир»  вохӯриашро бо натиҷаи 1 бар 1 мусовӣ ҷамъбаст кард. «Парвоз» аз меҳмони худ «Вахш» бо нишондиҳандаи 1 бар 2 мағлуб шуд. Дар ин замина  «Шодмон»-и Ҳисор  бар «Гвардия», ки рӯзи бозиашонро федератсияи футбол тағйир дода буд, бо натиҷаи 4 бар 2 ғалаба кард. Имрӯз вохӯрии «Хуҷанд» бо «Равшан» доир мегардад.