Футбол. Лигаи олӣ

Душанбе, 28 октябр. (АМИТ «Ховар», Аловиддин Бӯриев). –Имрӯз бо ду дидор даври 36 чемпионати мамлакат байни дастаҳои лигаи олӣ шурӯъ мешавад. « Равшан»-и Кӯлоб дар майдони худ «Хуҷанд» ва «Гвардия» «Шодмон»-ро қабул мекунанд. Рӯзи 29 октябр «Вахш» бо «Парвоз» ва ССКА «Помир» бо «Энергетик» қувва меозмоянд. Дар бозиҳои охирини худ «Равшан» бар «Парвоз» 1 бар 0 ва «Вахш» бар «Хуҷанд» 3 бар 0 пирӯз шуданд. Алҳол дар ҷадвали мусобиқот «Равшан» бо 71 имтиёз пешсаф аст. Миёни беҳтарин ҳаддофон Фозил Сатторов бо 18 голи задааш дар садри нишонзанҳои беҳтарин қарор дорад.