Футбол. Лигаи олӣ.

Душанбе, 10 октябр. (АМИТ «Ховар», Аловиддин Бӯриев). — Рӯзи истироҳат ду вохӯрии даври 32-уюми чемпионати мамлакат оид ба футбол байни дастаҳои лигаи олӣ баргузор гардид. «Энергетик» дар майдони худ ССКА «Помир» -ро қабул карда, бо ҳисоби 3 бар 1 шикаст дод. Вохӯрии «Хуҷанд» ва «Вахш» 0 бар 0 мусовӣ ба анҷом расид. «Шодмон»-и Ҳисор бо бартарии 4 бар 2 ғалабаи худро бар меҳмонаш «Гвардия» таъмин кард. Вохӯрии «Регар ТадАЗ» бо «Хайр» ва «Истиқлол» бо «Гвардия» бинобар сабаби иштироки футболбозони ин дастаҳо дар ҳайати дастаи мунтахаби ҷумҳурӣ дар бозихои интихобии ҷоми ҷаҳон, ки рӯзи 11 октябр бо дастаи Ҷопон барпо мегардад, ба таъхир гузошта шуд.