Хабарнигорон меҳмони «Форс» мешаванд

Душанбе, 3 октябр. (АМИТ «Ховар», Марзия Саидова).- «15 нафар аз хатмкунандагони давраи нахустини омӯзишӣ,  ки аз ҷониби хабаргузории «Форс»-и Эрон дар Душанбе баргузор гардид, аз Эрон боздид намуда, бо фаъолияти хабаргузории «Форс» ошно мегарданд». Ин матлабро Алиасғари Шеърдӯст, Сафири Фавқулодда ва Мухтори Ҷумҳурии Исломии Эрон дар Ҷумҳурии Тоҷикистон,  дар маросими супоридани гувоҳномаҳо ба намояндагони расонаҳои Тоҷикистон иброз дошт.Нахустин давраи омузишӣ барои намояндагони воситаҳои ахбори оммаи /ВАО/ Тоҷикистон бо мақсади такмили донишҳои назариявии рӯзноманигорон, баланд бардоштани сатҳи  касбияти онҳо ва ошно намудан бо жанрҳои журналистика дар шароити равандҳои ҷаҳони муосир буд.Ба 30 нафар намояндагони гуногуни расонаҳои Тоҷикистон муддати як ҳафта  ду нафар устодони Донишгоҳҳои Теҳрон- Саидризо Нақибуссодот ва Акбари Насруллоҳӣ, ки аз назариядонҳои шинохтаи бахши журналистикаи Эронанд ва таҷрибаи баланди рӯзноманигорӣ доранд,  дарс доданд.