ХИБ Сангтӯда- Пули Хумрӣ ба истифода дода мешавад

Душанбе, 27 октябр.(АМИТ «Ховар», Марзия Саидова).-Имрӯз дар қисмати ҷануби кишвар хатти интиқоли барқи 220 киловаттаи Сангтӯда –Пули Хумрӣ ба истифода дода мешавад, ки дар маросими jy   Муҳаммад Қасим Фаҳим, ноиби аввали Президенти Ҷумҳурии Исломии Афғонистон, Оқил Оқилов, Сарвазири Ҷумҳурии Тоҷикистон, инчунин вазири энергетика ва саноатӣ ҷумҳурӣ Гул Шералӣ ва Муҳаммад Исмоилхон, вазири энергетикаву таъминоти оби Афғонистон  ва дигар намояндагони вазорату идораҳои марбутаи ду кишвари ҳамҷавор иштирок менамоянд.Масофаи хатти интиқоли барқи Сангтӯда-Пули Хумрӣ  дар ҳудуди  Тоҷикистон 118  ва дар қаламрави Афғонистон 163 километрро ташкил медиҳад.Бояд тазаккур дод, ки бо истифода қарор додани хатти интиқоли барқи Сангтӯда-Пули Хумрӣ ба Тоҷикистон имкон медиҳад, ки дар мавсими тобистон ба Афғонистон то 300 мегаватт нерӯи барқи зиёдатиро интиқол диҳад.