Истифодаи инвеститсияҳо дар Тоҷикистон

Душанбе, 19  октябр. (АМИТ «Ховар», Покиза  Маҳмадбекова). – Тайи  моҳҳои январ  — сентябри  соли  равон дар  Тоҷикистон инвеститсияҳо аз  ҳисоби  ҳамаи манбаҳои маблағгузорӣ баробари  3  миллиарду  100 миллион  сомонӣ    истифода  шудаанд, ки  ин  назар   ба  ҳамин  давраи  соли  2010 — ум  110, 4  фоиз  зиёд  аст.Мувофиқи  маълумоти Агентии  омори  назди  Президенти  ҶТ, энергетика, ки  вазни  қиёсиаш  27,7  фоизи  ҳаҷми  умумии   инвеститсияҳои   истифодашударо  ташкил  медиҳад,  намуди  бартаридоштаи  фаъолият  маҳсуб  мешавад. Барои  эъмори  нерӯгоҳҳои  барқӣ  903 миллиону  500 ҳазор  сомонӣ  истифода  шудааст. Аз  ҷумла,  барои  бунёди НОБ Сангтӯда  — 1, ки  сохтмони пурраи он дар  марҳилаи  анҷомёбист,  7 миллиону 200 ҳазор  сомонӣ  сарф  шудааст. Ғайр  аз ин  барои  бунёди НОБ Роғун  619  миллиону  100 ҳазор  сомонӣ  сарф гардидаст, ки  назар  ба  дараҷаи  соли гузашта  232  миллион  сомонӣ  зиёд  аст.  Дар  ҳамин  давра дар  иншоотҳои тайиноти  истеҳсолӣ  инвеститсияҳо  ба  маблағи  беш  аз  як  миллиарду  700 миллион  сомонӣ  истифода шудааст, ки  56,61  фоизи  ҳаҷми  умумии  инвеститсияҳои  ҷумҳуриро  ташкил  медиҳад.