Изҳори сипос

Роғун, 7 октябр. (АМИТ «Ховар», Зебо Давлатова). –Солҳои охир дар кишвар сафи соҳибкорону шахсони ҳиматбаланд афзудааст. Тавре мудири боғчаи рақами 1 шаҳри Роғун Мағфират Давлатова ба хабарнигори АМИТ «Ховар» иттилоъ дод, директори генералии ҶСШК «Роғунгесстрой» Хайрулло Асоев ба одамони яккаю танҳо, оилаҳои камбизоат ва хонаи ятимони шаҳр ҳамеша кӯмак мерасонад.Номбурда афзуд, ки Хайрулло Асоев дар ҳар ҷашну маърака ба тарбиятгирандагони боғчаи рақами 1 низ дасти сахо дароз намуда, ба кӯдакон маводи ғизоӣ ва либос тӯҳфа менамояд.