Кашфи героин аз дохили бағоҷ

Душанбе, 31 октябр. (АМИТ «Ховар», Лутфия Эшонқулова). — Кормандони дидбонгоҳи гумрукии «Пахтаобод»-и Раёсати минтақавии гумрукии  шаҳри Турсунзода  ҳангоми азназаргузаронии қатораи рақами 319,   самти Душанбе-Маскав     бағоҷи дастии сафариро, ки шаҳрванд Убайдов Қудратулло  соли таваллудаш 1971 ба қатора ворид намуд, бинобар пайдо шудани шубҳа мавриди санҷиши амиқ қарор доданд.Тафтишот нишон дод, ки дар қисми дохилии бағоҷи мазкур маводи тасмашакли рангаш  сиёҳи ғайриоддӣ  васл гардида, он бӯи махсуси ғализи ба героин монандро  доро мебошад.Ташхиси лабораторӣ нишон дод, ки маводи гирифташуда навъи героин буда,  вазни умумиаш 2 килограмму 15 граммро ташкил дод.     Нисбат ба шаҳрванд  Қ. Убайдов  парвандаи ҷиноӣ боз гардида, тафтиш  идома дорад.