Конфронси дуюми туризми тансиҳатии кишварҳои исломӣ

Душанбе, 10 октябр. (АМИТ «Ховар», Бекназари Абӯбакр). – 19 — 20 декабри соли 2011 дар шаҳри Машҳади Ҷумҳурии Исломии Эрон Конфронси дуюми туризми тансиҳатии кишварҳои исломӣ баргузор мегардад.Мақсади ин конфронс муттаҳид сохтани созмонҳои тансиҳатӣ, саёҳат ва туризм, ҳамчунин дар оянда барқарор намудани робита дар бахши туризми тансиҳатӣ мебошад.Дар ҷараёни конфронс намоишгоҳҳое доир карда мешаванд, ки имконияти мавҷударо дар амри туризми тансиҳатии кишварҳои исломӣ намоиш медиҳанд. Тавре дар Палатаи савдо ва саноати Ҷумҳурии Тоҷикистон ба АМИТ «Ховар» иттилоъ доданд, ба конфронс намояндагони палатаҳои савдо ва саноати аъзои Созмони Ҳамкории Иқтисодӣ, Вазорати тандурустии Ҷумҳурии Тоҷикистон ва Кумитаи кор бо ҷавонон, варзиш ва туризми назди Ҳукумати Ҷумҳурии Тоҷикистон даъват карда мешаванд.