М. Неъматов ба ғолибон мукофот дод

Душанбе, 18 октябр. (АМИТ «Ховар», Дилшодаи  Хайруллоҳ). –15 – 16  октябри соли  ҷорӣ  дар  шаҳри  Хуҷанди вилояти  Суғд   мусобиқоти  кушоди  ҷумҳуриявӣ оид ба   каратэ – кёкушинкай миёни  калонсолон ва ҷавонон баргузор гардид. Чорабиниро  раиси  Кумитаи  ҷавонон,  варзиш ва  сайёҳии  назди  Ҳукумати  Ҷумҳурии  Тоҷикистон Маликшо Неъматов  ҳусни  оғоз  бахшид.Дар чорабинӣ зиёда  аз 160  варзишгар аз  вилоятҳои  Хатлон,  Суғд, ВМКБ,  шаҳру  навоҳии  тобеи  марказ  ва  кишвари  Қирғизистон  ширкат  варзиданд.Аз рӯи  ҳисоби  даставӣ  варзшгарони дастаҳои Душанбе  — 1, Душанбе – 2 ва  Хатлон ғолиб омада, соҳиби ҷоиза гардиданд. М. Неъматов дар  анҷоми мусобиқот  ғолибонро  бо  диплом ва  медалҳои  Кумита  сарфароз  гардонид.