Мавсими теннис анҷом ёфт

Душанбе, 27 октябр (АМИТ «Ховар», Аловиддин Бӯриев)-                Мусобиқаи ҷамъбастии мавсими соли 2011 оид ба теннис миёни бонувон дар шаҳри Истанбули Туркия идома дорад. Теннисбози шинохтаи рус Мария Шарапова баъди бохти дуввум аз На Лии чинӣ бо натиҷаи 6:7 ва 4:6 аз идома додани бозиҳо пеш аз анҷоми вохӯриҳои гурӯҳӣ даст кашид. Ӯ ин амалро ба ҷароҳат доштани пошнаи пояш  вобаста кардааст. Дар навбати худ теннисбози дигари рус  Вера Звонарева бар теннисбози рақами яки ҷаҳон Королин Вознятски дар ду баст ғалаба кард. Рақобатҳо дар ин поя идома доранд.