Муҳокимаи масоили ҳамкории миёни Тоҷикистон ва СММ
Душанбе, 6 октябр. (АМИТ «Ховар», Лутфия Эшонқулова). – 5 октябр зимни мулоқоти вазири корҳои хориҷии Ҷумҳурии Тоҷикистон Ҳамрохон Зарифӣ бо Ҳамоҳангсози доимӣ ва Намояндаи минтақавии Комиссари олии СММ оид ба корҳои гурезаҳо дар Осиёи Марказӣ Собир Аъзам масъалаҳои ҳуқуқии шахсони бетабаият дар Тоҷикистон ва дар кишварҳои Осиёи Марказӣ, аз ҷумла, имконияти пайвастани Ҷумҳурии Тоҷикистон ба Муоҳидаи СММ дар бораи мақоми шахсони бетабаият мавриди муҳокима қарор гирифтанд.Тавре дар ВКХ ҷумҳурӣ ба АМИТ «Ховар» иттилоъ доданд, дар ҷараёни мулоқот ҳамчунин масъалаҳои ҳамкории байни Тоҷикистон ва СММ ва муассисаҳои ихтисосии он аз рӯи масъалаҳои гурезаҳо баррасӣ шуданд.Мувофиқи суханони манбаъ, худи ҳамон рӯз Ҳамрохон Зарифӣ Ҳамоҳангсози доимии СММ ва Намояндаи доимии Барномаи рушди СММ дар Тоҷикистон Александр Зуевро ба ҳузур пазируфт. Роҳбари идораи сиёсати хориҷии ҶТ дар ҷараёни мулоқот ба А.Зуев аз натиҷаи сафараш ба шаҳри Ню – Йорк ҷиҳати иштирок дар музокироти умумии иҷлосияи 66 – умии Ассамблеяи Генералии СММ иттилоъ дод. Зимни мулоқот ҷонибҳо ҳамчунин масъалаи тайёрӣ ба иштироки Тоҷикистон дар Конфронси СММ оид ба рушди устуворро низ мавриди муҳокима қарор доданд. Ҳамчунин масъалаҳои ҳамкории миёни Тоҷикистону СММ ва муассисаҳои ихтисосии он муҳокима шуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






