Мусобиқаи дзю-дочиён дар Санкт-Петербург

Душанбе, 31 октябр. (АМИТ «Ховар», Аловиддин Бӯриев). –Тайи  3 рӯз дар шаҳри Санкт-Петербурги Федератсияи Русия мусобиқаи байналмилалӣ оид ба гӯштини дзюдо байни наврасону ҷавонон баргузор гардид. Дар он 12 нафар паҳлавони тоҷик ширкат карда, бо медалҳои тиллою нуқра ва биринҷӣ ба ватан баргаштанд. Саидмухтор Расулов ва Рашид Зиёбеков барандаи ҷоизаи аввал, Ҷамшеди Наврӯзмуҳаммад ва Фаррухи Салим сазовори мақоми дуввум ва Сӯҳроб Саидализода соҳиби ҷойи сеюм шуданд. Дар мусобиқаи мазкур намояндагони 56 давлат ширкат доштанд.