Мусодираи 20 кило маводи мухаддир аз шаҳрванди Қирғизистон

Душанбе, 20 октябр. (АМИТ «Ховар», Мавҷуда Анварӣ). — Кормандони Раёсати Агентии назорати маводи нашъаовари назди Президенти Ҷумҳурии Тоҷикистон (АНМН) дар вилояти Суғд дар ноҳияи Исфара шаҳрванди Ҷумҳурии Қирғизистонро бо миқдори зиёди маводи мухаддир боздошт намуданд.Чунон, ки аз Агентии мазкур ба АМИТ «Ховар» хабар доданд, аз боздоштшуда  зиёда аз 20 кило маводи мухаддири навъи героин дарёфт ва мусодира гардид.Бино ба иттилои манбаъ, қиммати ин миқдор маводи мухаддир дар «бозори сиёҳ» 120 ҳазор доллари ИМА-ро ташкил медиҳад.Дар зарфи 9 моҳи соли равон дар қаламрави Тоҷикистон 3 529 кило маводи мухаддир аз муомилоти ғайриқонунӣ мусодира шудааст, ки  437,5 килояшро маводи сахттаъсири героин ташкил медиҳад.