Мусодираи маводи нашъаовар

Душанбе, 5 октябр. (АМИТ «Ховар»,  Лутфия  Эшонқулова ). – Кормандони  мақомоти  ҳифзи  ҳуқуқи  ҷумҳурӣ дар  шаҳри  Душанбе  бештар  аз  15  килограмм  маводи  нашъаоварро  мусодира  намуданд.Тавре  дар  маркази  матбуоти  Вазорати корҳои  дохилии Ҷумҳурии  Тоҷикистон   ба  АМИТ «Ховар»  хабар  доданд,   кормандони  милиса  дар  рафти  чорабиниҳои  ҷустуҷӯи  фаврӣ  сокини  ВМКБ  Саъдулло Ҷангиевро   дастгир  намуда,  аз  ӯ  15  килограмму  10  грамм маводи  нашъаоварро   мусодира  карданд. Тафтишот  нишон  дод, ки  ин  шахси  дастгиршуда маводи  нашъаоварро  аз  ноҳияи  Ванҷ  оварда,  ба  яке  аз  сокинони  пойтахт  супурдааст. Тавре   дар  маркази  матбуоти  Вазорати  корҳои  дохилӣ иттилоъ доданд,  аз  рӯи  ин  ҳодиса  парвандаи  ҷиноӣ  кушода,  тафтишот  идома дорад