Мутобиқшавӣ ба тағйирёбии иқлим

Душанбе, 26 октябр. ( АМИТ «Ховар», Афшини Муқим).- Дирўз   дар  Кохи  Ваҳдати шаҳри Душанбе  бо  иштироки  доираи  васеи  хабарнигорон    дар  мавзўи  «Мутобиқшавӣ  ба  тағйирёбии  иқлим»  конфронс доир  гардид. Дар  кори  он  муовини  сарвазири  Ҷумҳурии  Тоҷикистон  Муродалӣ  Алимардон,  коршиносону  намояндагони  Бонки  Осиёгии  Рушд,  Бонки  Аврупоии  таҷдид  ва  рушд  ва  гурўҳи  бонки  Умумиҷаҳонӣ иштирок  доштанд.  Дар  конфронс  аслан  «Барномаи  пилотӣ  оид  ба  мутобиқшавӣ  ба  тағйирёбии  иқлим»,  ки  моҳи  майи  соли  2009  бо  пешниҳоди коршиносони  барнома  аз  тарафи  Ҳукумати  Ҷумҳурии  Тоҷикистон  дастгирӣ  ёфта,  мавриди  таҳлил  қарор  гирифт.