Нақшаи даъват иҷро шуд

Хоруғ, 31 октябр. (АМИТ «Ховар»,  Л.Додо). – Ноҳияи  Ишкошим  нахустин  шуда нақшаи  даъвати   тирамоҳии  ҷавонписаронро  ба  сафи  артиши  миллӣ  иҷро   намуд.  Ба  гуфти  муовини  Комиссари  ҳарбии  вилоят полковник Беҳзод  Саидиброҳимов,  тарзи дуруст  ба  роҳ  мондани  корҳои  тарғиботиву  ташвиқотӣ,  ҳисси  баланди  меҳанпарастии ҷавонписарони ноҳияи  Ишкошим  ва  фаъолияти  пурсамари  комиссияи  даъватӣ  имкон  дод, ки  ноҳия қабл  аз  мӯҳлат  аз  ӯҳдаи  таъмини  нақша  барояд. Даъвати  ҷавонписарон ба  сафи  артиш  дар  ҳудуди  вилоят  то  имрӯз  90 дар сад  таъмин  гардидааст. Аз  маълумот  бармеояд, ки  ноҳияҳои  Шуғнон, Роштқалъа, Рӯшон,  Дарвозу  шаҳри  Хоруғ низ  рӯзҳои  наздик аз  иҷрои  нақша мужда  медиҳанд.