Нақшаи пардохти андоз барзиёд иҷро гардид

Хоруғ, 15 октябр. (АМИТ «Ховар», Л.Додо ). – Раёсати  андози  Вилояти  Мухтори  Кӯҳистони  Бадахшон бурду  бохти  фаъолияти  нӯҳмоҳаро дар  ҳузури  намояндагони  Сарраёсати  молияи  вилоят  ва  намояндагии  Бонки  давлатии амонатгузории  Ҷумҳурии  Тоҷикистон – «Амонатбонк» дар  ВМКБ  мавриди  натиҷагирӣ  қарор   дод. Дар  давраи ҳисобот  дар  шаҳру  навоҳии  вилоят  ҷиҳати   истифодаи  мошинҳои  назорати хазинавии  дорои  хотираи  фискалӣ  ва ба  андозбандӣ  ҷалб  намудани  соҳибкорон  назорати  профилактикӣ  роҳандозӣ  гардид. Ҳамчунин  тайи  нӯҳ моҳи  соли   равон  дар  шаҳру  навоҳӣ  44  маротиба  азназаргузаронии  профилактикӣ ҷиҳати  фурӯши  маҳсулоти  зераксизӣ,  машрубот ва тамоку рӯи  кор  оварда  шуд.