Намоишгоҳи маҳсулоти Эрон

Душанбе, 19 октябр. (АМИТ «Ховар», Покиза Маҳмадбекова). — Имрӯз дар шаҳри Душанбе намоишгоҳи байналмилалии маҳсулоти саноатӣ, кишоварзӣ ва озуқавории Ҷумҳурии Исломии Эрон дари худро боз менамояд.Тибқи иттилои Палатаи савдо ва саноати ҶТ, намоишгоҳ бо ташаббуси Палатаи савдо ва саноати ҶТ, комиссияи байниидоравии Эрон — «Роҳтушайи Сармад», инчунин бо дастгирии Ҳукумати ҶТ ва Ҷумҳурии Исломии Эрон ташкил ва баргузор мешавад.Ҳадаф аз баргузории ин намоишгоҳ ҷалби сармоягузорони эронӣ ба соҳаҳои бартари  иқтисодиёти Тоҷикистон, дарёфти шарикони ҳамкор  ва таъсиси  корхонаҳои муштарак мебошад.Намоишгоҳ то 21 октябри соли ҷорӣ идома меёбад.