Наврасон камераи нигоҳубини терминалро дуздиданд

Хоруғ, 31 октябр. (АМИТ «Ховар»,  Л.Додо). – Пайдост, ки  дари  хонаву  шишаи тирезаро  шикастан мумкин  аст,  аммо  ба  яғмо  бурдани  колое, ки дар  наздаш  посбон  истодааст, корест сангин. Вале  ҳамин  тавр ҳам  шуд. Дар  дидбонгоҳи  гумрукии  ноҳияи  Мурғоб  камераи  нигоҳубинро  ба  яғмо  бурданд. Дар  ҷараёни  гузаронидани  корҳои  фаврӣ — ҷустуҷӯ маълум  гардид, ки  ин  амал кори   ноболиғон  — хонандагони  синфи  9  А. Сулаймонов, Б.Ғозибеков  ва  И. Ҳасанбеков  будааст.