Нуқтаҳои фурӯши гази моеъ зиёд мешаванд
Душанбе, 20 октябр. (АМИТ «Ховар», Кристина Эрлих). – Вазорати энергетика ва саноати ҶТ ба манзури иҷрои Қарори Ҳукумати Ҷумҳурии Тоҷикистон аз 30 апрели соли 2011 «Дар бораи омодагии саривақтии бахшҳои иҷтимоию иқтисодии ҷумҳурӣ ба манзури фаъолияти муттасилу самарабахш дар давраи тирамоҳу зимистони солҳои 2011 – 2012 корҳои муайянеро ҷиҳати бештар овардани гази моеъ ва зиёд намудани нуқтаҳои фурӯши он анҷом дод.Дар ин бора ба хабарнигори АМИТ «Ховар» дар дафтари матбуоти Вазорати энергетика ва саноати Ҷумҳурии Тоҷикистон иттилоъ доданд.Дар робита бо ин якҷоя бо роҳбарони корхонаҳои зертобеъ, мақомоти иҷроияи ҳокимияти давлатии вилоятҳо ва шаҳру ноҳияҳо, ҳамчунин бо иштироки соҳибкорони кишвар барои таъмини аҳолӣ бо маводи гуногуни сухт ҳамаи чораҳо дида мешаванд.Масалан, тайи 9 моҳи соли равон шумораи нуқтаҳои фурӯши гази моеъ ба 507 адад, аз ҷумла, дар вилояти Суғд 214, Дар вилояти Хатлон 121, дар ВМКБ 11, дар ноҳияҳои тобеи ҷумҳурӣ 97 ва дар шаҳри Душанбе ба 64 адад расонида шуд. Дар давраи ҳисобот теъдоди нуқтаҳои фурӯши гази моеъ назар ба ҳамин давраи соли гузашта 37 адад зиёд гардид. Ба ҷумҳурӣ овардани гази моеъ 29 ҳазору 704 тоннаро ташкил медиҳад, ки назар ба нишондиҳандаҳои соли гузашта баробари 876 тонна зиёд аст.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






