Омӯзгорони ҷавон ба имтиёз ниёз доранд

Хоруғ, 10 октябр. (АМИТ «Ховар»,  Л.Додо). —  Қарори  Ҳукумати  Ҷумҳурии Тоҷикистон «Дар  бораи  муқаррар  намудани   имтиёзҳо ба омӯзгорони  ҷавон» дар  кори  таъмини  макотиб  бо  муаллимон мавқеи муҳим  дорад. Тавре  муовини  сардори  Раёсати  маорифи  вилоят  Тоҷиддин  Орумбеков иттилоъ  дод,  дар  макотиби  вилоят  220   нафар   омӯзгорони  ҷавон,  ки  собиқаи  аз 1 то 3  сола доранд,  машғули  таълиму тарбияи  насли  наврас мебошанд. Баъди  интишори  Қарори  Ҳукумати  ҶТ ба  58  нафар  қарзҳои  имтиёзнок дода  шуд ва  дар  рӯзҳои  наздик  боз  40  нафар  омӯзгор аз  имтиёз  бархӯрдор  мегарданд. Ҳамзамон  муассисоти  таълимии  вилоят  ба  84  нафар   омӯзгорони   забони  инглисӣ,  физикаю  математика эҳтиёҷ   доранд.