Омодагии пойтахт ба таҷлили Рӯзи забони давлатӣ

Душанбе, 4 октябр. (АМИТ «Ховар», Саидова). — Ба ифтихори Рӯзи забони давлатӣ фардо, 5 октябр дар боғҳои фарҳангу фароғатии «Дӯстии Халқҳо», «Кӯли ҷавонон», Боғи ба номи устод Айнӣ ва майдони «800-солагии Маскав» сайругашти оммавии шаҳрвандон, базмҳои шеъру суруд,  намоиш ва фурӯши  маҳсулоти қаннодӣ ташкил карда мешавад.Ҳамзамон, 5 октябр дар Боғи устод Рӯдакӣ чорабинии идона бахшида ба Рӯзи забон баргузор мегардад, ки дар он донишмандону забоншиносон доир ба ҳифзи забони давлатӣ, поку беолоиш нигоҳ доштани он ва паҳлӯҳои дигари ташаккули забони давлатӣ табодули назар мекунанд.Бояд тазаккур дод, ки тамоми чорабиниҳои марбут ба таҷлили Рӯзи забон дар пойтахт дар асоси қарори Раиси шаҳри Душанбе Маҳмадсаид Убайдуллоев ташкил ва баргузор мегардад.Мавриди зикр аст, ки соли гузашта парлумони Тоҷикистон ба Қонуни Ҷумҳурии Тоҷикистон «Дар бораи рӯзҳои ид» тағйиру иловаҳо ворид намуд, ки тибқи он ҳамасола 5 октябр дар ҷумҳурӣ Рӯз забони давлатии Ҷумҳурии Тоҷикистон дар сатҳи баланд ва бошукӯҳ таҷлил мегардад.