Озмуни «Мактаби сол»

Душанбе, 26 октябр. (АМИТ «Ховар»,  Людмила  Дубинина ). – Бо қарори раиси шаҳри  Душанбе  ҳар  сол  озмунҳои «Муаллими сол», «Талабаи  сол», «Мураббии сол», «Синфи беҳтарин», «Муассисаи томактабии  кӯдакон», «Мактаби  сол», «Директори  сол» доир  мегардад.Озмунҳо  бо  мақсади  беҳдошти  раванди  таълиму тарбия  ва таҳкими  заминаи таълимию  техникӣ ва  моддии донишкадаҳо роҳандозӣ  мешаванд. Тавре ба  АМИТ «Ховар»  дар  Раёсати  маорифи  шаҳри  Душанбе  иттилоъ  доданд,  дар  ҳоли  ҳозир  озмуни  «Мактаби  сол» баргузор  мегардад. Натиҷаи  озмуни  мактабҳо  ба  Кумитаи  тадорукотии  шаҳр, ки  муовини  раиси  пойтахт  Сановбар  Раҳимова  раиси он мебошад,  пешниҳод  мегардад. Даври  хотимавии  озмуни  шаҳрӣ  моҳи  декабри  соли  равон  дар Маркази кӯдакону  наврасон  сурат  мегирад.