Пешниҳоди ҷойи кор дар “Ориёно”

Душанбе, 21 октябр. (АМИТ «Ховар», Заррина Саидова).- Имрӯз бо ташаббуси Сарраёсати Агентии давлатии ҳифзи иҷтимоӣ, шуғли аҳолӣ ва муҳоҷират дар шаҳри Душанбе ва раёсатҳои он дар ноҳияҳои Сомонӣ, Шоҳмансур, Фирдавсӣ ва Сино дар саҳни бинои Маркази ҷумҳуриявии фарҳангии ҷавонон «Ориёно»   ярмаркаи ҷойҳои кории холӣ ва вазифаҳои озод доир гардид.Дар он 30 корхонаю муассисаи шаҳри Душанбе ба корҷӯён 2381 ҷойи кори холиро пешниҳод намуданд.Дар ярмаркаи мазкур ба 43 нафар корҷўён барои кор ва ба 2 нафар барои омўзиши касбҳо  роҳхат дода шуд.Бояд гуфт, ки тайи нўҳ моҳи соли 2011  аз ҷониби мақомоти давлатии шуғли аҳолӣ дар вилоят, шаҳр ва ноҳияҳо 517 ярмарка барои ишғоли  ҷойҳои кории  холӣ гузаронида шуд, ки нисбат ба ҳамин давраи соли гузашта 83 адад зиёд мебошад. Дар натиҷа 6544 нафар шаҳрванд барои кор роҳхат гирифта, аз он ҷумла 4819 нафар бо кор таъмин гардиданд.