Рӯзгор пеш меравад

Хоруғ, 22 октябр. (АМИТ «Ховар»,  Л.Додо). – Ба  манзури  паст   намудани  сатҳи  камбизоатии  мардум,  беҳтар  сохтани  шароити  зиндагӣ  ва  ҳолати  санитариву  гигиении  муҳити   зист дар  ноҳияи  Рӯшон  як  қатор барномаҳо роҳандозӣ  шудаанд. Яке  аз  чунин  барномаҳо  бо  оби ошомиданӣ  таъмин  намудани  сокинони  деҳаҳои  Ахван,  Спишош ва Кӯпруки  сафеди  ҷамоати  деҳоти  Рӯшон  ба  ҳисоб  меравад. Барои  амалӣ намудани  он  аз  тарафи  ташкилоти  ҷаҳонии  Бунёди  Наҷоти  Арал  40  ҳазор  сомонӣ  ҷудо   гаштааст — мегӯяд котиби  ҷамоати  деҳоти  Рӯшон  Фаррух  Мақсудов. — Иҷрои  ин  корро  бахши  хоҷагии  об  ва  корхонаи  фаръии  манзилию  коммуналии  ноҳия  ба  зима  гирифтаанд. Ҳоло  қисми зиёди  корҳои  заминӣ  ба  анҷом расида,  охири  моҳи  октябри  соли  ҷорӣ  15  нуқтаи  обтаъминкунӣ  мавриди  истифода  қарор  мегиранд.