Рӯзи забон дар Агентии маводи нашъадори назди Президенти ҶТ

Душанбе, 6 октябр. (АМИТ «Ховар», Лутфия Эшонқулова).-Бахшида ба Рӯзи давлатии забон дар китобхонаи марказии шаҳрии ба номи А. Лоҳутӣ ҷамъомади тантанавӣ доир гардид, ки дар он устодон, мактаббачагон, донишҷӯёни макотиби олии пойтахт, аз ҷумла кормандони Агентии маводи нашъадори назди Президенти ҶТ иштирок доштанд.Тавре ба АМИТ «Ховар» аз шӯъбаи  робита ва кор бо ҷомеаи Агентии маводи нашъадори назди Президенти ҶТ  иттилоъ доданд, мактаббачагон аз ашъори шоирони тоҷик шеърҳо дар бораи аҳамияти забон қироат намуда, перомуни ин мавзӯъ саҳнаҳо нишон доданд.Сардори шӯъбаи робита ва кор бо ҷомеаи Агентии мазкур Саъдулло Раҳматуллоев  зикр намуд, ки насли наврас бояд дар давраи тараққиёти техника ва технологияву инноватсия ҷидду ҷаҳд намояд то забони мо бо дигаргуншавии ҷаҳони муосир мутобиқ гардад.Сардори кадрҳои Агентии маводи нашъадори назди Президенти ҶТ Музаффар Ҳотамов афзуд, ки  забони модарӣ- ин боигарии ҳар миллат аст ва он халқҳоро ба ҳам наздик карда, дӯстиву ҳамкориро миёни миллатҳои гуногун мустаҳкам менамояд.