«Сеҳри ҳунар»-и симиганҷиҳо

Ваҳдат, 7 октябр. (АМИТ «Ховар», Зебо Давлатова). – Тавре ба хабарнигори АМИТ «Ховар» мудири Қасри фарҳанги шаҳри Ваҳдат Эркамоҳ Мирзоева иттилоъ дод, дар боғи фарҳангу фароғатии ба номи Исмоили Сомонии шаҳр озмуни «Сеҳри ҳунар» доир шуд. Мақсад аз баргузории озмун дарёфти чеҳраҳои нави ҳунар, рушди фарҳанг дар деҳот, тақвият бахшидани сатҳи маънавиёти сокинони шаҳр буд. Дар озмун гурӯҳҳои навозандагон, сарояндагон, ровиёну тақлидкорон ва раққосон ҳунару истеъдоди худро намоиш доданд. Ҳунармандони ҷамоати деҳоти Симиганҷ ғолиби озмуни «Сеҳри ҳунар» гардиданд.